📰 വിമുക്തി ലഹരി വിരുദ്ധ ബോധവത്കരണ സെമിനാർ സംഘടിപ്പിച്ചു

ആലത്തൂർ:
എൻസിസി യൂണിറ്റുകളുടെയും വിമുക്തി ലഹരി വിരുദ്ധ കാമ്പയിന്റെയും സംയുക്ത ആഭിമുഖ്യത്തിൽ ശ്രീ നാരായണ കോളേജ്, ആലത്തൂരിൽ “പ്രതിരോധിക്കാം പ്രതികരിക്കാം ലഹരിക്കെതിരെ” എന്ന വിഷയത്തിൽ ഇന്റർ കോളേജീയേറ്റ് സെമിനാര് കോമ്പറ്റിഷൻ സംഘടിപ്പിച്ചു.

പരിപാടി പ്രസിഡന്റ് ആലത്തൂർ ബ്ലോക്ക് പഞ്ചായത്, ശ്രീ. ടി. കണ്ണൻ ഉദ്ഘാടനം ചെയ്തു. ലഹരിയുടെ സാമൂഹിക, മാനസിക, ആരോഗ്യപരമായ ദോഷഫലങ്ങളെ കുറിച്ച് വിശദമായി സംസാരിച്ച അദ്ദേഹം, യുവജനങ്ങൾ ലഹരിമുക്തമായ ജീവിതശൈലി പിന്തുടരേണ്ടതിന്റെ ആവശ്യകത ഊന്നിപ്പറഞ്ഞു.

പരിപാടിയിൽ ശ്രീ. ശ്രീധരൻ, എക്സൈസ് സർകിൾ ഇൻസ്പെക്ടർ സ്വാഗതം അറിയിച്ചു, ശ്രീമതി. ഗിരിജ രാജൻ (പ്രസിഡന്റ് കാവശ്ശേരി ഗ്രാമപഞ്ചായത്) അധ്യക്ഷത അറിയിച്ചു, പ്രിൻസിപ്പാൾ ശ്രീമതി. DR. പ്രവീണ വിജയൻ ആശംസകൾ അർപ്പിച്ചു, ശ്രീമതി. ഉഷ ടി.ബി., വിമുക്തി കോ-ഓർഡിനേറ്റർ, നന്ദിയും അറിയിച്ചു.

2026 ജനുവരി 19-ന് രാവിലെ 10.30-ന് ശ്രീ നാരായണ കോളേജ് സെമിനാർ ഹാളിൽ നടന്ന പരിപാടിയിൽ അധ്യാപകരും വിദ്യാർത്ഥികളും വലിയ തോതിൽ പങ്കെടുത്തു.